sending

Die sendingaksie van ons gemeente speel die volgende rol om die gemeente te begelei om die groot opdrag van Jesus uit te voer:

1. GELOOFSOFFERBELOFTE
Sedert 1998 het ons jaarliks, rondom Maart, 'n fondsinsamelingsgeleentheid wat tydens die Sondag se eredienste plaasvind. Mens vul vormpies in, waarmee hulle hulself verbind om 'n bepaalde bydrae te maak spesifiek vir sending. Die geld word dan gebruik om 'n aantal sendelinge te onderhou, Bybels te versprei, kort uitreike aan te pak, bouwerke en talle ander maniere waarop die Evangelie versprei word. In 1998 toe die geloofsbelofteoffer vir die eerste keer ingestel is het ons 'n bedrag ingekry van R182 000. Hierdie jaar werk ons op 'n begroting van R350 000.

2. UITREIKPROJEKTE
Van die bouprojekte waarby ons betrokke was die afgelope jare was onder andere 'n Bybelskoop wat ons gebou het in Malawi vir die Sola Scriptura Bybelkollege. Ons het ook in Orange Farms, suid van Johannesburg, gehelp om 'n kerk te bou.

3. FINANSIëLE ONDERSTEUNING
Ons is tans in die bevoorregte posisie om 8 sendelinge en hulle gesinne te kan ondersteun. Ons ondersteun ook 'n teologiese student en wil graag ook weer jongmense ondersteun wat 'n Diensjaar vir Christus wil doen.

4. GEBEDSONDERSTEUNING
Elke sendeling het ook 'n sendelingsvoog in ons gemeente. Die voog moet gedurig kontak hou met die sendeling en sy gesien, voorbidding doen en ook inligting deurgee na die gemeente. In ons nusbrief, Die Padkos, verskyn gereeld briewe en inligting oor ons sendelinge.